Riku dhe Fredi janë shokë të ngushtë që kanë shumë të përbashkëta, duke përfshirë faktin se të dy kanë shumë vite të martuar. Por kur të dy burrat fillojnë të tregojnë shenja nervozizmi në shtëpi, gratë e tyre marrin një hap të guximshëm për të ringjallur martesat e tyre: duke u dhënë burrave një “Leje”, një javë liri për të bërë çfarë të duan... pa bërë pyetje. Në fillim, duket si një ëndërr e bërë realitet për Rikun dhe Fredin, por shumë shpejt zbulojnë se pritshmëritë e tyre të jetës si beqarë dhe vetë ata, janë plotësisht jashtë realitetit!
Bëhuni gati për aventurën më të mahnitshme të jetës suaj në Monte Karlo! Selena Gomez ndriçon ekranin si Greis, një maturante gjimnazi me shpirt të madh që mezi pret të shkojë me pushime në Paris bashkë me shoqen e saj të ngushtë Emën dhe vajzën e njerkut Meg. Sapo vajzat mendojnë se udhëtimi i tyre është shkatërruar kur ciceroni i tyre tepër aktiv i lë mbrapa, Greisi ngatërrohet me një trashëgimtare të pasur dhe treshja përfundon në Monte Karlo për një javë emocionuese plot luks, magji dhe argëtim të paharrueshëm!
Në vitin 1978, nga një bankë e Detroitit u vodhën 20 milion dollrë. Një nga hajdutët u kap, njëri u gjend i vdekur dhe i treti u zhduk. Paratë nuk u gjenën kurrë. Agjentët e FBI-së, Dag Benet dhe Stiv Forrest janë caktuar te investigojnë këtë rast si agjentë të fshehtë, duke punuar si policë të thjeshtë në Majami, aty ku fshihet edhe hajduti i tretë me 20 milion dollarët dhe një post drejtues në autoritetet vendase.
Peshku blu miqësore, por harraqe, fillon një kërkim për prindërit e saj të humbur, dhe të gjithë mësojnë rreth kuptimit të vërtetë të familjes, përgjatë udhëtimit të saj.
Një biznesmen i famshëm është aq i dhënë pas punës sa e ka lënë pasdore familjen e tij. Kur vajza e tij e vogël i kërkon një mace si dhuratë për ditëlindje, ai ia plotëson dëshirën por në atë moment pëson një aksident dhe e gjen veten të ngecur brenda trupit të maçokut që bleu.
Filmi tregon historinë e një miqësie të veçantë mes një vajze dhe një kuzhinieri të talentuar me emrin zoti Kisha. Një miqësi e cila fillon si marrëveshje për 6 muaj, zgjat për 15 vite dhe krijon një lidhje familjare që zgjat përgjithmonë.
Historia e një djali që jeton në geto dhe futet gjithmonë në telashe. Një ditë futet në telashe të mëdha dhe gjen një magnetofon, magjik që i ndryshon jetën.
Një nxitëse tifozësh e pushtuar së fundmi kthehet në një femër demon të specializuar për të vrarë shokët e saj të klasës. A mund t'i japë fund horrorit shoqja e saj e ngushtë?
Eli O’Brajën po përpiqet të bëjë gjimnastike ritmike dhe të shkaktojë telashe së bashku me shoqen e saj të ngushtë. Ndërkohë, shoku i saj i klasës Xhek Maloi po përpiqet të jetojë në rrugën e vëllait të tij, i cili ishte një yll hokeji dhe me pritjet e babit të tij, si dhe me dashurinë e tij të pamundur.
Kur tre mama të mbingarkuara dhe të nënvlerësuar arrijnë limitin e durimit te tyre, ato heqin dorë nga përgjegjësitë e tyre tradicionale për një harbim të tej zgjatur lirie, qefi dhe vetë-kënaqjeje komike.
Duke projektuar një mënyrë për të shpëtuar fermën e babait të tyre, vëllezërit Alvarez e gjejnë veten në një luftë me zotërit më të frikshëm të drogës në Meksiskë…
Një toger marine merr vëllain e tij, një ish-kumarxhi, për ta ndihmuar të mbyllë një kazino të jashtëligjshme në një jaht pranë Majemit, pronari i së cilës manipulon lojërat në mënyrë që të mos fitohet asnjë bast.
Murgesha e re Kolin po shmang çdo kontakt me familjen e saj derisa një email nga nëna e saj e njofton që i është kthyer vëllai në shtëpi. Teksa kthehet në shtëpinë e saj të fëmijërisë në Asheville, N.C., ajo gjen dhomën e saj njëlloj siç e kishte lënë - me bojë të zezë dhe të mbuluar me afishe gotike. Megjithëse prindërit e saj janë të lumtur ta takojnë, shfaqet shqetësim dhe bezdi, dhe vëllai i saj jeton i tërhequr nga bota në shtëpinë e mysafirëve që kur u kthye në shtëpi nga lufta në Irak.
Në vitin 1930, një e ri nga Bronksi lëviz për në Hollivud dhe aty bie në dashuri me sekretaren e xhaxhait të tij të fuqishëm, një agjent të yjeve. Pas kthimit në Nju Jork, ai përfshihet në një botën e gjallë të jetës së klubeve të natës me shoqëri të lartë.
Captain Fantastic: Në pyjet në veri-perëndim të Oqeanit Paqësor, një baba i përkushtuar për rritjen e gjashtë fëmijëve të tij me një edukim rigoroz fizik dhe intelektual, detyrohet të lërë parajsën e tij dhe të hyjë në botë, duke sfiduar idenë e tij se çfarë do të thotë të jesh prind.
Një 30-vjeçar mërzitet me jetën e përbashkët që bën me shokët dhe kjo do të bëjë që ata të ndahen për 6 muaj nga njëri tjetri dhe të fillojnë të rriten e të bëjnë përpara në jetë.
Projekti-A Pjesa 2: Dragoi është transferuar dhe tashmë është bërë kreu i policisë në rrethin Sai Van dhe i duhet të luftojë kundër një gangsteri të rëndësishëm, kundër revolucionarëve anti-Mançu, kundër disa piratëve të arratisur, kundër besnikëve të Mançu-së dhe kundër një inspektori të korruptuar të policisë.
